ഇ വാർത്ത | evartha
കൊറോണ വൈറസിനെ നേരിടാൻ അദ്ഭുത ജീവൻ രക്ഷാ മരുന്നുമായി ബ്രിട്ടീഷ് ഗവേഷകർ
കോവിഡ് രോഗത്തെ പ്രതിരോധിക്കാൻ ജീവൻ രക്ഷാമരുന്നുമായി ബ്രിട്ടനിലെ ഗവേഷകർ. കോവിഡ് ചികിത്സയ്ക്ക് ഡെക്‌സാമെത്താസോണ്‍ (dexamethasone) എന്ന മരുന്ന് ഫലപ്രദമാണെന്നും മരുന്നിന് മരണനിരക്ക് കുറയ്ക്കാന്‍ കഴിയുമെന്നും ഓക്സ്ഫോർഡ് സർവ്വകലാശാലയിലെ ശാസ്ത്രജ്ഞരുടെ നേതൃത്വത്തിൽ നടന്ന പരീക്ഷണങ്ങൾ തെളിയിക്കുന്നു.
- കൊറോണ വൈറസിനെ നേരിടാൻ അദ്ഭുത ജീവൻ രക്ഷാ മരുന്നുമായി ബ്രിട്ടീഷ് ഗവേഷകർ
- ചൈന അതിർത്തിയിൽ കൊല്ലപ്പെട്ടത് 20 ഇന്ത്യൻ സൈനികർ; സ്ഥിരീകരിച്ച് ഇന്ത്യ
- കൊവിഡിന്‍റെ മറവില്‍ ഇന്ധന വില വര്‍ദ്ധനവിലൂടെ കേന്ദ്ര സര്‍ക്കാര്‍ ജനങ്ങളെ കൊള്ളയടിക്കുന്നു: സോണിയ ഗാന്ധി
- ഇന്ത്യ- ചൈന അതിര്‍ത്തിയില്‍ നടന്നതെന്ത്; കേന്ദ്രസര്‍ക്കാര്‍ ആധികാരിക പ്രസ്താവന ഇറക്കണം: സിപിഎം
കൊറോണ വൈറസ് ബാധിച്ച രോഗികൾക്ക് ജീവൻരക്ഷാമരുന്നായി ഉപയോഗിക്കാമെന്ന് തെളിയിക്കപ്പെടുന്ന ആദ്യ മരുന്നാണു ഡെക്സാമെത്താസോൺ. താരതമ്യേന വില കുറഞ്ഞതും വ്യാപകമായി ലഭ്യമായതുമായ മരുന്നാണിത്. വെന്റിലേറ്ററിലുള്ള രോഗികളുടെ മരണനിരക്ക് മൂന്നിലൊന്നായും ഓക്സിജൻ നൽകുന്ന രോഗികളുടെ മരണനിരക്ക് അഞ്ചിലൊന്നായും കുറയ്ക്കാൻ ഈ മരുന്നിന് കഴിയുമെന്നാണ് പരീക്ഷണഫലങ്ങൾ പറയുന്നത്.
ബ്രിട്ടനിൽ രോഗബാധ ഉണ്ടായതുമുതൽ ഇതുവരെ ഈ മരുന്നുപയോഗിച്ച് 5000 പേരുടെ ജീവൻ രക്ഷിക്കാൻ സാധിച്ചതായി ബിബിസി റിപ്പോർട്ട് ചെയ്യുന്നു. വാതം പോലെയുള്ള രോഗങ്ങളുടെ ചികിത്സയ്ക്കായി ഉപയോഗിക്കുന്ന മരുന്നാണ് ഡെക്സാമെത്തോൺ.
ലണ്ടനിലെ ഇമ്പീരിയൽ കോളജിലെ ഗവേഷകർ അടുത്തയാഴ്ച കോവിഡിനുള്ള ഒരു പുതിയ വാക്സിന്റെ പരീക്ഷണം ആരംഭിക്കും. 300 രോഗമില്ലാത്ത വോളണ്ടിയർമാരാണ് പരീക്ഷണത്തിനായി തയ്യാറായി മുന്നോട്ട് വന്നിരിക്കുന്നത്.
Copyright © 2020 Evartha.in All Rights Reserved.
from Breaking News – ഇ വാർത്ത | evartha https://ift.tt/3e8ydIp
via IFTTT
No comments:
Post a Comment