ആഫ്രിക്കൻ രാജ്യമായ എസ്വാട്ടീനിയുടെ പ്രധാനമന്ത്രി കോവിഡ് ബാധിച്ച് മരിച്ചു

എസ്വാട്ടീനിയുടെ പ്രധാനമന്ത്രി കോവിഡ് ബാധിച്ച് മരിച്ചു. ആഫ്രിക്കൻ രാജ്യമായ എസ്വാട്ടീനിയുടെ പ്രധാനമന്ത്രി എംബ്രോസ് ഡലമീനിയാണ് ഇന്ന് കോവിഡ് ബാധിച്ചു മരിച്ചത്. 52 വയസായിരുന്നു.

നാലാഴ്ചകൾക്ക് മുൻപാണ് അദ്ദേഹത്തിന് കോവിഡ് പോസിറ്റീവായത്. തുടർന്ന് ഈ മാസം ഒന്നു മുതൽ അയൽ രാജ്യമായ ദക്ഷിണാഫ്രിക്കയിൽ വിദഗ്ധ ചികിത്സയിലായിരുന്നു.രാജ്യത്തെ ബാങ്കിങ് മേഖലയിൽ 18 വർഷം പ്രവർത്തിച്ച എംബ്രോസ് ഡലമീനി 2018ലായിരുന്നു ദക്ഷിണാഫ്രിക്കയുടെ വടക്കുകിഴക്കുള്ള ചെറുരാജ്യമായ എസ്വാട്ടീനിയുടെ പ്രധാനമന്ത്രിയായത്.

ആകെ 12 ലക്ഷമാണ് ഈ ചെറിയ രാജ്യത്തെ ജനസംഖ്യ. രാജ്യത്ത് ഇതുവരെ ആകെ റിപ്പോർട്ട് ചെയ്ത പോസിറ്റീവ് കേസുകൾ 6768 ആണ്.

from Breaking News – ഇ വാർത്ത | evartha https://ift.tt/38amRlu
via IFTTT